“Америкаи Пай" тэмцээний мисс Маргарет Сартор хэлэхдээ өөрийнхөө амьдралын хэцүү үе болох долдугаар ангид байхдаа өдрийн тэмдэглэл хөтөлж эхэлсэн гэдэг.

Долдугаар анги гэдэг бол өсвөр насныхны хувьд хамгийн хэцүү үе байдаг. Энэ үед хүүхдүүд сэтэлзүйн хувьд тугшүүртэй байдаг бөгөөд тэднийг харвал өргөстэй зарааг санагдуулам. Тэд гадна талын оргөсөө өөрийгөө хамгаалах хаалттай хэрэгсэл болгодог. Тийм учраас таны охин нэг өглөө аяга угааж байхдаа дуу аялж, эсвэл таны хэлсэн үгэнд хөмсгөө атиралдуулна. Заримдаа тэд өорийгөө ямар ч найдваргүй амьтан гэж усан нүдлэхэд та түүнийг тайвшруулж, аргадах өдрүүд олонтаа тохиолдоно.

Энэ л зүйлээс болж таны толгой эргэж байна уу? Өсвөр насныхны хувьд сэтгэлдээ бүрэн автдаг. Өөрөөр хэлбэл гомдож, баярлах, уурлах зэрэг бүхий л сэтгэлээ бүрэн дагадаг.

Тиймээс бид өсвөр насны хүүхэдтэйгээ харилцахдаа бэрхшээл тулгардаг. Таны хүү охин чинь шөнө дундын үед гэртээ ирдэг үү, эсвэл та түүнийг шөнөжин гудамжаар хайдаг уу? Тэрээр танд шивээс хийлгэх гэж буй тухайгаа хэлдэг үү, эсвэл гадагшаа гарч шивээс хийлгэчихээд ирдэг үү? Мөн мансууруулах бодис болон бэлгийн харилцааны талаар таниас сонсохыг хүсдэг ээ эсвэл таныг сонсохгүйн тулд өрөөнийхөө хаалгыг чанга хааж, хөгжмөө эцэс дээр нь тавьдаг уу?

Бидэнд өсвөр насны хүүхдээ амжилттайгаар идэр нас руу шилжүүлэх боломж бий.

Ингэхдээ та өөрийгөө байшин барьж байна гэж төсөөл. Танд юу хэрэгтэй вэ? Мэдээжийн хэрэг байшин барих багаж, хэрэгсэл хэрэг болно. Гэвч хамгийн чухал нь байшингийн суурь бат бөх байх ёстой. Өсвөр насны хүүхдээ хүмүүжүүлэх нь үүнтэй адил. Та хүүхдийнхээ хүсэл сонирхол, хэрэгцээ, юунд санаа зовниж буйг мэдэх шаардлагатай. Ингэснээр та хүүхдийнхээ хандлага, үнэ цэнэд үр дүнтэй хандах болно.

Эцэг эхчүүд та бүхэн энэхүү номыг бодит хөтчөө болгож, өсвөр насны хүүхэдтэйгээ хэрхэн харилцах арга барилд суралцахыг хүсэж байна. Ингэснээр та хүүхдээ илүү ойлгож, түүнтэй эелдэг харилцааг тогтоосноор өсвөр насны хүнд өдруүдийг амжилттайгаар даван туулах болно.