Бяцхан Муукаа
- ISBN: 978-99962-4-04-30
- Хавтас: зөөлөн
- Хэвлэгдсэн он: 2011
- Хуудас: 36
- Хэмжээ:
- Үлдэгдэл: Дууссан
Миний амьдардаг үзэсгэлэнт сайхан Нике хотод Бяцхан Муукаа гэдэг хүн байлаа. Тэр цагт би хүүхдээрээ байсан боловч түүнийг онцгой сайн мэддэг ялангуяа манай эцэг намайг нэг удаа үхтэл минь зодсоноос хойш улам ч сайн мэддэг болсон билээ. Муукааг анх харахад тэр хэдийн хөгшин болчихсон мэт байсан ч гайхмаар хачин жаалхан биетэй, тэгсэн мөртлөө хүн хүнээс этгээд том толгойтой, тэр янзаар бол хэн бүхнээс том малгай өмсөж таарах нэгэн байлаа.
Муукаа томоос том байшиндаа ганцаараа амьдарч сардаа хэдхэн удаа гадаа гардаг болохоор өдрийн цагаар яндангаас нь утаа савсахгүй бол түүний амьд байгаа эсэхийг хэн ч мэдэх аргагүй. Харин оройн цагаар бол Муукаа байшингийнхаа дээвэр дээгүүр хойш урагшаа алхалж яваа нь тухайлбал, уулаас намхан түүний бие нь бус нэг л том толгой өөд сөөргөө яваад байгаа мэт хүмүүст харагддаг байжээ. Би болоод миний найз нар бусдыг зодох, шоолох дуртай базаахгүй хөвгүүд байсан учир бяцхан Муукаа гэрээсээ гарч ирэх нь бидний хувьд баяр хөөр болдог байлаа. Бид тогтсон өдөр тэдний байшингийн үүдэн хавьцаа очиж гарч ирэхийг нь хүлээдэг байв. Хаалга онгойход нэлэмгэр алчуур хулгавчилсан асар том толгой эхлэн харагдаж, дараа нь түүний бяцхан бие, салбайж ноорсон цув нь улмаар шарваар, урьд хожид үзэгдээгүй өргөн бүс, бүснээсээ зүүсэн хачин урт хуйтай хутга гэхчлэн үзэгдэнэ дээ.
