Нүүр хувиргалтын үндэс
- ISBN: ISBN дугаар : 978-99962-3-816-
- Хавтас: зөөлөн
- Хэвлэгдсэн он: 2015
- Хуудас: 307
- Хэмжээ:
- Үлдэгдэл: Дууссан
Тайз дэлгэцийн урлагийн салшгүй нэг хэсэг болох нүүр хувиргах урлаг нь уран сайхны дүрийн гаднах төрх, зан байдлыг тодруулж гаргахын зэрэгцээ дотоод сэтгэлийн мөн чанарыг илэрхийлж үзэгч олон түмэнд танин мэдрүүлэхэд жүжигчдийн идэвхтэй туслагч байдаг учраас энэ урлагийн техник, арга ажиллагааг дэс дараатай судлан эзэмших нь чухал. Номын зохиогч Ө.Уранчимэг нь урлагт 30 гаруй жил ажиллахдаа олж авсан мэдлэг, хуримтлуулсан арга туршлага болон нүүр хувиргалтын онолын талаар гадаадын мэргэжлийн ном, сурах бичгээс судалж суралцсан, мэдсэн зүйлсээ ийнхүү эмхтгэн театр, урлагийн ертөнцөд хөл тавьж буй жүжигчин, найруулагч, зураач, нүүр хувиргагч мэргэжлээр суралцаж байгаа оюутан залууст мэдлэг болгох үүднээс хүргэж байна.
Номын эхний бүлэгт эртний хүчирхэг улс гүрэнд хэрэглэж байсан нүүр будгийн хэрэгсэл, үс засалтын хэв маяг, түүний түүхэн хөгжлийн талаар өгүүлсэн бол удаах бүлгүүдэд эдгээр улс оронд үүсч бий болсон театрын түүхийг тусгаж, нүүр хувиргах, хиймэл үс гэзэг, сахал хийх арга барил, техник үйл ажиллагаа зэргийн талаар дэлгэрэнгүй бичжээ.
