Шамбалын дайн
- ISBN: 978-99973-3-416-9
- Хавтас: зөөлөн
- Хэвлэгдсэн он: 2016
- Хуудас: 614
- Хэмжээ:
- Үлдэгдэл: Дууссан
Хөвсгөл аймгийн Галт сумын уугуул, эдүгээ 82 насыг зооглож буй судлаач Бөөчүүд овогт Банзайн Зиамидар гуай 2013 онд хэвлүүлсэн "Гадаадаас турхирсан 1932 оны бослого" бүтээлийнхээ үргэлжлэл болох "Шамбалын дайн" номоо түүхч, судлаач, уншигч олон түмэндээ өргөн барьж байна.
Судлаач эл бүтээлдээ 1932 онд БНМАУ-д бослого, хөдөлгөөн гарахад тухайн үеийн төр, засгийн зүүний алдаатай бодлого, нугалаа завхрал нь сүсэгтэн олны дургүйцэл төрүүлж байсныг үгүйсгээгүй бөгөөд бослого гарахад хүргэсэн гол хүчин зүйл нь гадаад, дотоодын шашны том лам нар сүсэгтэн олонд шашнаар дамжуулан нөлөөлсөн идэвхитэй үйл ажиллагааны үр дагавар болохыг түүхэн баримт сэлтээр нотолсон байна.
Түүнчлэн тухайн үеийн монголын төр, засгаас шуурхай анхаарч, дайн, бослогыг дараагүй бол улам өргөжиж, 1921 онд ялсан Ардын Хувьсгалын ололт алдагдаж, БНМАУ-ын тусгаар тогтнолд шууд аюул учрах байсныг сануулжээ.
