Алтайн тувачуудын цадиг оршив: Архивын баримтын эмхэтгэл
- ISBN: 978-99973-0-757-6
- Хавтас: Зөөлөн
- Хэвлэгдсэн он: 2015
- Хуудас: 584
- Хэмжээ: 290 x 210 мм
- Жин: 1590
- Үлдэгдэл: Дууссан
Түүхийн судалгааны чухал эх сурвалжийн нэг нь архивын сан хөмрөгт хадгалагдаж буй эх баримтууд билээ. Монголын түүх, угсаатны судлалд тувагийн түүхийн асуудал нэн ялангуяа Алтайн тувачуудын түүх, угсаатны судалгаа харьцангуй бага хөндөгдөж иржээ. Харин энэ удаа Алтайн тувачуудын түүхэнд холбогдох Монгол улсын Үндэсний төв архивын сан хөмрөгт хадгалагдаж буй эх баримтуудаас сонголт хийн түүвэрлэж "Алтайн тувачуудын цадиг оршив" нэртэй архивын баримтын эмхэтгэлийг судлаач хийгээд олон нийтэд зориулан хэвлүүлж байна.
Эрт үеэс Алтайн урианхайн долоон хошууны бүрэлдэхүүнд багтан орж, Алтайн хэмээх тодотголтой болсон, гарал угсаа, хэл өөр боловч ахуй, соёл нь монголжсон Алтайн тувачууд хэмээх ард түмний ахуй амьдрал, газар ус, эрхлэх аж ахуй, шашин шүтлэг, зан заншил зэрэг тэдний түүх, соёлыг судлан шинжлэхэд энэхүү баримтууд чухал ач холбогдолтой юм.
