Салхинд туугдагсад II
Эрхлэн гаргасан: Болор судар хэвлэлийн газар
- ISBN: 978-99973-2-704-8
- Хавтас: Хатуу
- Хэвлэгдсэн он: 2015
- Хуудас: 710
- Хэмжээ: 148*210мм
- Жин: 743
- Үлдэгдэл: Үлдэгдэлтэй байна
1866 оны нэгдүгээр сарын хүйтэн өдөр Скарлетт ажлын өрөөндөө суугаад нагац Питид захидал бичих бөгөөд түүндээ, тэр өөрөө болоод Мелани, Эшли нарын хэн нь ч Атлантад ирж түүнтэй амьдарч болохгүй шалтгааныг арав дахь удаагаа дэлгэрэнгүй бичиж суув. Тэрээр маш түргэн, эрчтэй бичнэ. Учир нь нагац Питти эхлэлийг уншиж амжаагүй байтлаа тэр дороо хариуг бичихээр суухыг мэдэж байв. Түүний хариу захиа "Би ганцаараа амьдрахаас айж байна" гэж өрөвдөлтэй эхэр татсан өнгөөн дуусах болно.
Скарлетт гар хөшиж гүйцээд өдөө хажуу тийш тавьж дулаацахын тулд гараа үрчээд, хөлөө хуучин хөнжил доогуур шургуулав. Түүний шаахайн ул цоорсон тул тэрбээр хивснээс хайчилсан улавч дотор нь дэвсжээ. Хивсний даавуу түүний хөлийг шаланд шүргэхээс сэргийлэх боловч хариу дулаацуулах нь үгүй. Өглөө нь Уилл морио тахлахаар Жонсборо руу авч явсан бөгөөд хүмүүс тэнүүлч нохой шиг хөл нүцгэн таваргаж байхад морины хөлөнд санаа тавьдаг болно гэдэг чинь ажил хэрэг тун муудаж байгаагийн шинж дээ гэж барайн бодов.
Тэр галууны өдөө дахин гартаа дөнгөж автал арын хаалганы дэргэд Уиллийн хөлийн чимээ гарахыг сонсоод тэр дороо буцааж тавилаа.
