Хүннүгийн язгууртны оршуулгын дурсгалын судалгаа
Эрхлэн гаргасан: Монгол улсын ШУА-ийн Түүх, Археологийн хүрээлэн
- ISBN: 978-99962-76-57-6
- Хавтас: Хатуу
- Хэвлэгдсэн он: 2015
- Хуудас: 105
- Хэмжээ:
- Үлдэгдэл: Дууссан
Монголчуудын өндөр өвөг хүннү нар Төв Азийн нүүдэлчдийн түүхнээ анхны төрт улсыг байгуулсан юм. Төр улс байгуулагдсанаар нийгмийн дотор давхраажилтын ялгаа гарсан нь оршуулгын зан үйлд тусгалаа олж ихэс, язгууртныг жирийн хүмүүсээс ангид, тусгайлан оршуулах болжээ.
Иймээс судлаачид Хүннүгийн булш оршуулгын дурсгалыг язгууртны болон жирийн иргэдийн хэмээн ангилан судалдаг. Одоогоор Хүннүгийн үндсэн нутаг болох Монгол, ОХУ-ын Өвөр Байгал, Тува, Умард Хятадын нутгаас 7000 гаруй булш илэрсэн байна. Үүний дийлэнх хувь нь манай улсын нутагт орших бөгөөд ихэс, язгууртны оршуулгын 12 дурсгалт газарт 2000 гаруй булш тэмдэглэгджээ.
Доктор Ч.Ерөөл-Эрдэнэ "Хүннүгийн язгууртны оршуулгын дурсгалын судалгаа" бүтээлээ туүрвихдаа Архангай аймгийн Хайрхан, Эрдэнэмандал сумдын зааг нутагт орших Гол модны дурсгалт газарт 2000 оноос өөрийн биечлэн оролцсон судалгааны материалыг үндсэн эх хэрэглэгдэхүүн болгож, мөн Монгол болон ОХУ-ын нутагт судалсан Хүннүгийн язгууртны 12 оршуулгын дурсгалт газрын судалгааны хэрэглэгдэхүүн, эртний Хятадын түүхэн сурвалжийн мэдээг харьцуулах хэрэглэгдэхүүн болгон ашиглажээ.
Зохиогч Хүннүгийн соёлын харилцааны тухай асуудлыг хөндөхдөө олдворын байдалд тулгуурлан Хүннү нар зөвхөн өмнөд хөрш төдийгүй өрнө дахины улс түмнүүдтэй соёлын хувьд чамгүй харилцаатай байсныг баримтаар нотолжээ.
