Шүүх ажиллагаа /зөөлөн хавтастай/
Эрхлэн гаргасан: Мөнхийн Үсэг ХХК
- ISBN: 978-99929-85-28-3
- Хавтас: зөөлөн
- Хэвлэгдсэн он: 2015
- Хуудас: 248
- Хэмжээ: 204*145мм
- Жин: 265
- Үлдэгдэл: Дууссан
Ф.Кафка "Шүүх ажиллагаа" роман дээрээ 1914 оны наймдугаар сарын дунд үеэс эхлэн ажиллаж эхэлжээ. Чингээд мөн оны аравдугаар сар гэхэд тус романы бараг долоон гол бүлэг бичигдэж дууссан байсан агаад долоо, найм, есдүгээр бүлгийг бичиж эхэлсэн байжээ. Энэ үеэр өөрийн бичсэн захидал болон тэмдэглэлийн дэвтэрт зохиол нь гацаанд орсон тухай өгүүлсэн байдаг. Гэвч арванхоёрдугаар сар гэхэд романаа дахин үргэлжлүүлж, эхлүүлж орхисон бүлгүүдээ дуусгасан ч 1915 оны нэгдүгээр сарын дундуур уг романыг бичих ажил тэр чигээрээ тасалдахад хүрсэн байна. Түүнийг насан эцэслэсний дараа устгачихаарай хэмээн захисан "Шүүх ажиллагаа" романыг судлаач Макс Брод Берлины "Шмиде" хэвлэлийн газарт эрхлэн хэвлүүлжээ. Зохиолын баатар Йозеф К.-гийн тун хачирхалтай шүүх ажиллагааны тухай бэлгэ тэмдэг бүхий түүхэн домгийг тоталитар эрин үеийн он цагийн бичээс лугаа уншихад нэн сонирхолтой байх агаад энэхүү зохиол нь ганцаардмал, өөрийгөө хамгаалах чадваргүй хүмүүнийг хүн чанаргүй, бүхнийг аалзны тор мэт хэрсэн тогтолцоотой тэмцэж буй тухай өгүүлдэг билээ. Ямар ч утга учиргүй гэнэтийн баривчилгаа, айдсыг сүйрүүлэгч инерци, эсэргүүцэх чадваргүй болтол нь саажуулагч байдал, танил талаа эрж хайж ар өврийн хаалга хайх явдал хэр их газар авсныг, дүр нь тодорхойгүй шүүхийн машин, хууль сахиулагчдын худалдагдсан байдал хийгээд тухайн үеийн хүнд суртлыг ямар ч хачиргүйгээр дүрслэн харуулжээ.
