Гималай
Эрхлэн гаргасан: Арвай бархан ХХК
- ISBN: 978-99978-2-904-7
- Хавтас: Зөөлөн
- Хэвлэгдсэн он: 2018
- Хуудас: 192
- Хэмжээ: 205*145мм
- Жин: 215
- Үлдэгдэл: Дууссан
Амьдрал гэдэг нулимсан дундуур урссан цус шиг хэцүү...
Тааз өндөр өрөөнөө хээнцэр ганган ор нэвсийнэ. Тэр орноос саяхан хүн боссон бололтой, хөнжил нь сулран буужээ. Орны дэргэдэх тухлаг ширээнд үнэтэй дарс, шилэн жүнз, тамхины чамин хэрэглэл хөглөрч, орчин үеийн нимгэн утастай зэрэгцэн гар утас анх хэрэглээнд орж байх үед хэрэглэгдэж асан Ericson маркийн утас хэвтэх нь энэ тансаг орчинд нэг л зохицолдохгүй харагдана.
Цаад хаалга алгуурхан нээгдэж, гоолиг биетэй, хүрэн үстэй эмэгтэй гарч ирээд ширээнээс тамхи асаагуураа авч тагт руу зүглэлээ. Өмнө нь далай, далайн хөвөөг эмжин сүндэрлэх хувийн сууц, хаусууд зэрэглэжээ. Тагтнаа салхи савиргүй, чимээ шуугиан ч үгүй мэлтийнэ.
Гантиг чулуун тавцан тохойлдсон бүсгүйн унтлаганы гүн ухлаадастай торгон хувцасны цаанаас дал дагасан гүн сорви гялтганана. Сул асгарсан хүрэн үсээ илбэхэд баруун гарынх нь долоовор хуруу хүүхэлдэйнийх шиг мөлгөр аж.
Тамхины гал нь өөрөө уугьсаар, үнс нь унаж буйг ч тэр анзаарах сөгөөгүй, нүд нь баригдахтай үгүйтэй алсыг ширтжээ. Тэр далайн дээгүүр нэвт шувт цохолж юуг эрнэм бэ.
Усан бороон дундаас нэгэн ширхгийг нь олж барихтай адил хэцүү юм, хүний тавилан гэдэг...
