Сахиуст хангайн нууц
Эрхлэн гаргасан: Гүн паблишинг
- ISBN: 978-99978-0-743-4
- Хавтас: Зөөлөн
- Хэвлэгдсэн он: 2017
- Хуудас: 250
- Хэмжээ: 200*145мм
- Жин: 268
- Үлдэгдэл: Үлдэгдэлтэй байна
Хүрээний самуун өнгө, улс орны хойчийн төлөв нэг л тодорхойгүй, бахархалгүй санагдсан нь вангийн удаад орох хэргэм зэрэгтэй болсны баярыг үгүй хийчихэв. "Орос, Хятадтай адил маны бурхан ч бас гайтаж, энэ улс мөхөх гэж буй юм биш байгаа? Юутай ч Хүрээний энэ ужид самуун амьдралд нэг салхи савир оруулмаар болчихож дээ" хэмээн Жонон бэйл үнэн голоосоо халаглан бодож билээ.
Харьж ирэхэд нь судрын чингэлгийн үүд дэлгээтэй харагдав. Жонон бэйл үнэн голоосоо өргөөндөө ч оролгүй шууд чингэлэг рүү алхвал, дотор нь хэн нэгний дүнгэр дүнгэр хийх дуун гарчээ. Ямар нэгэн зүйл зүрх өөд нь жирд хийн гүйх шиг болоод явчихаж. Тэгээд сэмхэн шагайвал, Намбар агь өвдөг дээрээ мэргэн Жа гүнээс уламжилсэн "Алтан товч"-г дэлгэчихсэн,
-Атираат уулыг авлам, та
Аргаль угалзыг алам, та
Аргаль угалзын махыг хувилан хуваахаас улам
Алалдан тэсхилдэн хагацам, та...
хэмээн чангаар дуудан уншиж суув. "Миний баяр энд л юм даа" гэж судар шагайгч хөвүүн рүүгээ Жонон бэйл сэтгэл тэнийн сэм ширтээд Сэцэн гүн өвгийнхөө судрын чингэлгийн үүдийг түшин суулаа.
...Будант уулыг авлам, та
Буга согоо алам, та.
Бугын махыг хувилан хуваахаас улам
Бутралдан тэсхилдэн хагацам, та...
