Аугаа эрин Хөх илдний очис
- ISBN: 978-99978-0-365-8
- Хавтас: Хатуу
- Хэвлэгдсэн он: 2017
- Хуудас: 472
- Хэмжээ: 210*150мм
- Жин: 615
- Үлдэгдэл: Дууссан
Хуучны үг хэллэгийг өргөн ашигласан нь уншигчдыг 13 дугаар зуунд аваачих нь дамжиггүй. Эртний монголчууд ийм л цөөн үгээр, даацтай утгыг хэлэлцэн ярьж байсан байх даа гэж өөрийн эрхгүй бодогдож байлаа. Нэг жишээ авахад,
... Таргудай, Мэргидийн Чилгэр бөхийг ихэд дотносон золгож буйг хараад Доголхугийн хамар тасхийж,
-Ааацас гэж... Тогоонд буцлах шөл дэврэхээр тос нь түрүүлж асгарах. Тос галыг улам асаах. Тэгээд шөл улам дэврэх... Таргудайн харвингийн өөх тос ихдээд Чилгэр бөхийн ах Их Чилэдүгийн цээжин дэх хуучин шархыг сэдрээчих вий... гэв.
Чилэгүтэй Тахи,
-Сэдэрсэн шарх хуучин байх чинээ өшил ихтэй сэн. Энэ хоёр хэзээ эртний үгсээ хэлэлцээ юм бол?
Бөгтөргө бөгтөргөөрөө
Хялман хялмангаараа хавирна гэдэг болж байх шив хэмээлээ... гэх жишээний. "Нохой зассан хүндээ янаг", "Таргудайн тархи Тараг болоод гашилж гүйцжээ", "Хөвүүд минь нялх байлаа, явдал минь богино байлаа", "Зориг гэдэг гэвч хүү минь зоргоор явахын нэр биш юм шүү" гэх мэтээр энэхүү романы баатрууд уран цэцнээр хоорондоо хөөрөлдөж байх юм.
Их эзэн Чингис хааны хэсгүүд нь сонирхолтой. Нээрээ л ийм байсан болов уу гэж бодогдмоор. Харин хоёрдугаар бүлгийн Дундад Азийн хэсэг нь надад сонирхолтой санагдсангүй. Иймд тэр бүлэг дээр саатсангүй.
Цуврал романы тухай нэтээс олж уншихад Чингисийн дөрвөн хөлөг баатрын нэг Сүбээдэй баатраар дамжуулж, Их Монгол улсыг хэрхэн байгуулсан тухай өгүүлсэн гэжээ. - Уншигч
