Дайны морь
- ISBN: 978-99192-1-653-5
- Хавтас: Зөөлөн
- Хэвлэгдсэн он: 2019
- Хуудас: 215
- Хэмжээ: 205*145мм
- Жин: 275
- Үлдэгдэл: Дууссан
Бахархлаа хайх болсон энэ цаг дор Монгол адууны гайхамшигт түүхийг цогцлоож "Дайны морь" хэмээх нэгэн бүтээлийг Та бүхэнд өргөн барьж байна. Ерөөс Монголын түүх нь Ази, Европыг хөндлөн гулд туучин өнгөрсөн морьтон дайчдын омог бардам түүх билээ. Тиймээс эх түүхийг агт сайн мориноос ангид авч үзэж үл болно. Энэхүү ном нь тэдгээр талын морьтон дайчдын түүх болон тэдний дайн байлдаанд унаж явдаг “Зэвлэх морь” буюу дайны морьдын бахархалт түүхийг өгүүлэх ба Эзэн хаадын Зэвлэх морьд, Дархан хилийн Домогт хүлгүүд, Аугаа эх орны дайны Монгол морьд, Харийн газраас эх нутгаа тэмүүлэх Монгол адуу хэмээх үндсэн дөрвөн бүлэгтэй. Үндсэн бүлгээс гадна “Дайны морь” хэмээх сэдвийн хүрээнд “Зэвлэх морь”, түүний мөн чанарыг тусгайлан өгүүлсэн. Их эрдэмтэн Ванчинбалын Инжинаш, “Хүмүүний сэтгэлийг хөдөлгөн эс чадваас Хөнгөн бийрийг хөшиж юу хиймүй” өгүүлсэн байдаг. Уншигч таны бахархал, хүндэтгэлийг төрүүлж сэтгэлийг тань хөдөлгөж чадна гэдэгтээ итгэлтэй байна.
