Дэлхийн хүүхдийн шилмэл зохиол - 25 : Гуталт муур
Эрхлэн гаргасан: Соёмбо пресс ХХК
- ISBN: 978-99973-6-215-5
- Хавтас: Зөөлөн
- Хэвлэгдсэн он: 2018
- Хуудас: 96
- Хэмжээ: 130х180 мм
- Жин: 117
- Үлдэгдэл: Дууссан
Хүүхэд бүхний мэддэг "Улаан малгайт", "Гуталт муурын үлгэр", "Нойрсож буй гоо гүнж" зэрэг үлгэрүүдийн эзэн Шарль Перро нь одоогоос дөрвөн зууны өмнө 1628 онд Париж хотноо мэндэлжээ. Тэрбээр уг нь тухайн үедээ Францын нийгэмд өндөр нэр хүндтэй зохиолч, яруу найрагч, шүүмжлэгч, академийн гишүүн байсан ба чамгүй тооны бүтээл туурвижээ. Гэвч тэр бүх эрхэм алдар нэр, бүтээл туурвил нь түүхэнд үлдэж хоцорсонгүй, харин бичиж найруулсан үлгэрүүд нь түүний нэрийг мөнхөлжээ. Сонирхолтой нь тухайн үед үлгэрийг утга зохиолын хамгийн доод түвшний бүтээл гэж үздэг байсан тул Шарль Перро үлгэр түүхүүдээ өөрийнхөө нэрээр хэвлүүлэхээс санаа зовж, дөнгөж насанд хүрч байсан хүүгийнхээ нэрээр гаргасан юмсанж. Чухам энэ л эзэндээ гологдсон шидэт үлгэрүүд нь олон зууны турш залуу уншигчдын оюун сэтгэлийг ид шидийн ертөнцөд хөтлөн замчилсан билээ. Ш.Перро ардын үлгэрүүдийг засварлан дахин найруулснаар уран зохиолын үлгэр гэсэн бие даасан шинэ төрөл бий болох эх үндсийг тавьж, хойч үеийн аугаа их үлгэрчид болох ах дүү Гримм, Л.Тик, Х.Х Андерсен, А.Линдгрен нарын уран бүтээлд гүн гүнзгий нөлөөлжээ.
