Сарьдагийн хийд үзэсгэлэн
- ISBN: 978-99199-5-500-7
- Хавтас: Зөөлөн
- Хэвлэгдсэн он: 2020
- Хуудас: 31
- Хэмжээ: 285*205мм
- Жин: 149
- Үлдэгдэл: Дууссан
Сарьдагийн хийдэд явуулсан судалгааны ажил нь тухайн үед Өндөр Гэгээн Занабазарын нийгэм, улс төр, олон улсын харилцаа, шашин, соёл урлагийн олон талт үйл ажиллагаанд хамаарах олон ховор нандин олдвор, эх хэрэглэгдэхүүнийг илрүүлж Өндөр Гэгээн Занабазар судлалд томоохон ахиц гаргасан онцгой ач холбогдолтой юм. Тухайлбал XVII зууны үеийн Монголын хот байгуулалтанд бий болгосон томоохон үйл ажиллагаа хийгээд Өндөр Гэгээн Занабазарын уран бүтээлийн оргил үе, уран бүтээлийн төв нь чухам Сарьдагийн хийдтэй холбогдоно. Мөн Өндөр гэгээн Занабазарын шавар баримлын урлагийн төрөлд гүйцэтгэсэн үүргийг харуулж байгаагаараа ач холбогдолтой юм.
Иймээс ШУА-ын Түүх, Археологийн Хүрээлэнгээс хэрэгжүүлж буй “XVII зууны Монголын хотууд” төслийн хүрээнд тус хүрээлэнгийн захирал, академич С.Чулууны удирдлаган дор 2013 оноос 2017 онд таван жилийн турш явуулсан Үндэсний экспедицийн ажлын үр дүнгээр Монголын Үндэсний музейд үзэсгэлэн дэглэж дотоод гадаадын олон судлаач, эрдэмтэд, түүх сонирхогч, олон нийт, ард иргэдэд таниулан сурталчлах зорилгоор Сарьдагийн хийд үзэсгэлэнг зохион байгуулсан байна.
