Логик сэтгэлгээний чадварыг хөгжүүлэх “Шидэт ном”

6 настнууд түм буман “ Яагаад? “ гэсэн асуулт тавина.Энэ насандаа л байгаль орчин, эргэн тойрны хүмүүс, ертөнцийн тухай мэдэхийг оролддог. Тэдний энэ ер бусын сонирхол нь сургалтад бэлэн байгааг нотолдог. 6 нас хүүхдийн амьдралд хамгийн их өөрчлөлт ордог чухал үе юм. Хүүхэд тоглоомын үйл ажиллагаанаас сурах үйл ажиллагаанд шилжиж байгаа учир ямар ч орчинд биеэ авч явах, дүрэм журамд захирагдах, сонирхолтой, сонирхолгүй зүйлийг таних, бусадтай харилцах, өөрийгөө илэрхийлэх зэрэг илүү олон чадварт суралцах хэрэгцээ шаардлага тулгарч нийгэмшиж эхэлдэг.

Хүн төрөлхтөн аливааг нэг бүрчлэн цээжилдэг өнгөрсөн үеэс өөрөө эрж хайж бодитоор хийж үзэн олж авсан зүйлийг ” Мэдлэг” гэдэг эрин үе рүү шилжээд багагүй хугацаа өнгөрчээ.

2000 -аад оноос эхэлсэн дэлхийн сурах бичгийн эрс өөрчлөлтүүд нь хүүхдийг өөрөө бодож сэтгэдэг, түүнийгээ хийж туршсаны үндсэн дээр дүгнэлт гарган шийдвэр гаргаж чаддаг, цаашид хөрвөх чадвартай, хөгжих тэмүүлэлтэй иргэн болгон өсгөж, хүмүүжүүлэх хандлага руу шилжих нь зайлшгүй шаардлага гэдгийг сануулсаар байгаа билээ..

Манай “Шидэт ном” энэхүү цувалаараа орчин үеийн хамгийн чухал чадвар гэж үзэж буй “Логик сэтгэлгээ”-ний чадварыг багачууддаа хялбар аргаар хөгжилтэйгөөр сургах, хөгжүүлэх дасгалуудыг санал болгож байна .”Логик сэтгэлгээний чадвар” гэдэг үг анх сонсоход их хэцүү, хүнд ярвигтай юм шиг бодогддог боловч бид энэхүү чадварыг олгох дасгалуудыг шинжлэх ухааны үндэслэлтэйгээр илүү ойлгомжтой хялбархан бөгөөд хөгжилтэйгээр сурах арга зүйгээр хийж өгснөөрөө онцлогтой. Мөн өөрөө хайч, цавуу ашиглан бүтээл хийх, зүй тогтлыг олж эвлүүлэх, байрлуулах, наах зэргээр тоглонгоо логик сэтгэлгээ, бүтээлч чадвараа хөгжүүлэх дасгал тоглоомуудыг давхар оруулж өгсөн байгаа. Энэ нь багачуудад зохион бүтээх, хийж урлахын асар их баяр баясгаланг мэдрүүлж, сурах хүсэл эрмэлзлийг нь илүү ихээр өдөөж өгөх ач холбогдолтой юм.

Логик сэтгэлгээний чадварыг хөгжүүлэх дасгалуудыг ажиллаж дууссанаар таны хүүхэд логик сэтгэлгээ болон гарын жижиг булчингаа хөгжүүлж, үгийн баялгаа нэмэгдүүлэн, хэл ярианы хөгжлөө сайжруулахаас гадна ой тогтоолт ,бүтээлч сэтгэлгээ, төсөөлөн бодох, ажиглах , сэтгэх, эргэцүүлэн бодох, ангилан ялгах зэрэг чадваруудаа давхар хөгжүүлэх болно.