Бөхийн өгүүлэмжит 44 тууль
- ISBN: 978-9919-23-525-3
- Хавтас: Зөөлөн
- Хэвлэгдсэн он: 2020
- Хуудас: 321
- Хэмжээ: 143х204 мм
- Жин: 340
- Үлдэгдэл: Үлдэгдэлтэй байна
Аман зохиол дахь бөхийн өгүүлэмжийг түүвэрлэн туурвиж байгаа гурав дахь бүтээл бөгөөд Монгол ардын туульсын агуулгад тулгуурлаж байгаа билээ. Туульс нь өгүүлэмжийн хувьд бөхийн барилдааны хэв маяг, өмсгөл, гараа дэвээний зан үйл зэрэг олон талын арвин мэдээллийг агуулж байдаг учраас танин мэдэхүйн төдийгүй цаашид тус өгүүлэмжүүдэд тулгуурлан судалгааны ажлыг ч гүнзгийрүүлэн хийх боломжийг олон уншигчдад олгож байгаа юм.
Туульс дахь бөхийн өгүүлэмж нь давтамжийн хувьд нэг удаагийн тэмцэл өрсөлдөөнд дүрслэгдэхээс эхлээд томоохон орчил туулиудад олон удаагийн өгүүлэмж тэмдэглэгдсэн байдаг. Нэг удаагийн өгүүлэмж нь хэмжээний хувьд цөөн хэдэн мөрөөс эхлээд хэдэн арван мөр шүлэглэлтэй байдгаас аль болох ижил тэгш байдлаар хамруулахыг хичээж түүвэрлэсэн юм. Мөн зарим туульсын агуулгад бөхийн барилдааны өгүүлэмж нь бусад үйл явдлын учир шалтгаантай шууд уялдан илэрхийлэгдэж байдаг тул түүнийг нь илтгэн харуулах үүднээс барилдаанаас бусад өгүүлэмжийг ч цөөвтөрхөн хамруулан оруулсан болохыг тэмдэглэх нь зүйтэй.
Зарим бага хэмжээний туулиудад бөхийн барилдааны өгүүлэмж огт байхгүй байдаг боловч баатарлагийн туулиудад ихэвчлэн тэмцэл тулаан, өрсөлдөөн наадмын агуулгаар дүрслэгдэх нь түгээмэл байна. Тус бүтээлд туульсын агуулга, хэлбэр хэмжээ зэргийг чухалчлан үзээгүй, харин түүнд агуулагдаж буй барилдааны талаарх өгүүлэмжийг голлон анхаарсан тул цагаан толгойн дэс дарааллаар жагсааж бичсэн бөгөөд бөхийн өгүүлэмжийн онцлогийг илэрхийлэх зорилгоо харгалзан үзэж тухайн туульчийн өвөрмөц үг хэллэг зэргийг аль болох орчин цагийн үг хэллэгээр тэмдэглэн найруулсан юм.
