20-р зууны монголын шилдэг уран зураг
Эрхлэн гаргасан: Болор судар хэвлэлийн газар
- ISBN: 978-9997-37-960-3
- Хавтас: Хатуу
- Хэвлэгдсэн он: 2022
- Хуудас: 2490
- Хэмжээ: 240х280 мм
- Жин: 1560
- Үлдэгдэл: Үлдэгдэлтэй байна
Болор судар” хэвлэлийн газраас санаачилсан “ХХ зууны Монголын шилдэг урлаг” төслийн хүрээнд Монголын Уран Зургийн галерей “ХХ зууны Монголын шилдэг уран зураг” хэмээх цомог-номыг бэлтгэхдээ 1900-2000 оны хооронд Монголын дүрслэх урлагийн ертөнцөд мэндэлж, улмаар үзэгч олон түмнээсээ талархал хүлээсэн уран зураг болон монгол зургийн бүтээлүүдээс дээжлэн толилуулсан юм. Тус ном нь Монголын дүрслэх урлагийн алтан сан хөмрөгт хадгалагдаж буй шилдэг 130-аад бүтээлийг үсгийн дараалал, гавьяа шагналаар бус, бүтээн туурвисан он цагаар нь “Монгол зураг”, “Уран зураг” гэсэн 2 бүлэг болгон, гэрэл зураг, товч тайлбартай хүргэж байгаагаараа манай уран зургийн хөгжлийн түүхэн замнал болон үндэсний уран зургийн онцлогийг тодотгох зорилго агуулж байгаа юм. Мөн Монголын уран зургийн галерейн сан хөмрөгт хадгалагддаггүй боловч дүрслэх урлагийн түүхэнд зайлшгүй дурдагдах шаардлагатай бүтээлүүдийг оруулснаараа онцлог билээ.
