Монгол, монгол үндэстнийг аврагч нь "малчны ухаан, малын буян" хоёр. Монгол малчин өв залгамжилсан ухаанаа үр хүүхэддээ зааж өвлүүлдэг тул үл барагдах, үл тасрах, үл үгүйрэх эрдэнэ. Монголын таван хошуу мал сүрэг бол өөрөө өөрийгөө үйлдвэрлэдэг сэргээгдэн төлждөг мөнхийн баялаг юм. Монгол малчны ухаан бүрэн судлагдаагүй маш гүнзгий цогцолбор соёл, бэлчээрийн мал аж ахуйн ухааны монголчуудын үндэстний нууц билээ. Зохиогч эл бүтээлдээ малчны гайхамшиг, мал маллагааны гол ажил, монгол малчин мал, газар, тэнгэрээ шинжээч, малтайгаа ярьдаг "монгол хэл"-ний толь, малаа танихуйн монгол аргазүй, монгол малчны арга сүйхээ, малынхаа өгөөжөөр дэлхийд алдаршицгаая зэрэг өргөн асуудлыг авч үзсэн байна.