Махчин 2: Хүн чоно
- ISBN: 9789919034986
- Хавтас: Зөөлөн
- Хэвлэгдсэн он: 2024
- Хуудас: 168
- Хэмжээ: 175*122
- Үлдэгдэл: Дууссан
Олныг цочирдуулсан "Махчны жил"-ийн айдас хүйдэс их хэлмэгдүүлэлтийн сүүдэр дор дарагдан сарниж байсан цаг. Жимс, самар, малд яваад төөрсөн, хээр хөдөө ямар нэг шалтгаанаар алга бологсдын ул мөр, цогцос олдохоо байж хөдөөлүүлсэн шарил ор сураггүй алга болох үзэгдэл хавтгайрав. Малын нойтон баас, шавар шаваг дээр хүүхдийн гэмээр нүцгэн хөлийн мөр үзэгдэх болж анзааргатай нэгний гайхшийг барж байлаа. Гэвч энэ бүхэн хатуу бэрх цагийн хүнд хар сүүдэр дор дарагдаж анхаарлын төвд ирсэнгүй. Гэтэл... Нутгийн чонын эрлэг гэгддэг анч, хоточ ноход, ижил сүрэгтээ хээрийн амьтны ам хүргэдэггүй азарга, боохой гүйцдэгээрээ алдартай хурдан хүлгийн аминд ухаалаг, тэнхээтэй учир битүүлэг амьтан халдаж хөнөөв. Чонын өсийг авах мэт. Халдлагын үеэр үзэгдсэн аварга том хар чоно дагуулсан хүн дүрст амьтны тухай цуу олны дунд салхи шиг шууран түглээ. Эдгээр хачирхалтай явдалтай зэрэгцэн хот айлд жаахан биетэй ч элдэвтэй хүчирхэг хүн төрхөт араатан халдаж охиныг нь хулгайлан одов. Учир битүүлэг бүгдийн ээдрээг тайлахаар, нутгийн хүн зонд тулгарсан аюул гамшгийг гэтэлгэхээр өмнөх туужийн баатрууд болох Иш, Гүнчин, Чой нар дахин нэгдлээ. Тэдэн дээр нутгийн тулхтай хашир анчин Дорлиг нэмэгдэв. Чонын тэжээсэн хүү, Хүн чоно, Гэмпил заан, үйлт охин махчингийн дундаас төрсөн араатан хоёрын эмгэнэлт тавилан тэр хатуу цагийн сүүдэр дор хэрхэн огтлолцож яаж тайлагдахыг энэхүү туужаас хүлээн авч уншаарай. "Цагийн сүүдэр" цувралын адал явдалт аймшгийн туужууд хоорондоо шууд үргэлжлэл биш бөгөөд холбоос адал явдлууд шинээр өрнөх учир заавал "Махчин"-г уншсан байх албагүйг энд онцгойлон дурдъя.
