Монгол улсын эмийн чанарын хяналт хөгжил
- ISBN: 978-99962-8-342-0
- Хавтас: Зөөлөн
- Хэвлэгдсэн он: 2010
- Хуудас: 246
- Хэмжээ: 203*145мм
- Жин: 265
- Үлдэгдэл: Дууссан
Эрүүл аж төрөх гэдэг бол хүн төрөлхтний өнө мөнхийн хүслэн. Энэ мөрөөдлийг биелүүлэх үйлсэд эмч нарын хүч, хөдөлмөр зүтгэл ихээхэн үүрэгтэй билээ. Харин тэдний зэвсэг нь эм. Эмгүй эмч гэгч жигүүргүй бүргэд, далавчгүй онгоц лугаа адил болой. Тэрхүү жигүүр далавч нь эмзүйчдийн зүтгэл хөдөлмөрөөр биежиж, өнийн хүслэнг биелүүлэх түлхүүр болж байдаг жамтай. Эрүүл энхийн жаргалын түлхүүр болсон шидэт эмийг бүтээгч, үйлдвэрлэгч, түгээгчид нь эм хангамжийнхан.
Монголын эмзүйчид элгэн түмнийхээ өнийн хүслэнг биелүүлэхийн төлөө зуун дамжин зүтгэж өнгөрсөн зууны эхэнд мөхөж байна гэж хэлэгдэж байсан монгол угсаатнаа сэргэн мандаж эрүүлшин залуужих хэрэгт эгэл бие, эрдэм чадал, сэтгэл зүтгэл, оюун ухаанаа түмэн олныхоо тулд зориулан "Монгол орон бол Залуусын орон" гэж нэрлэгдэх цаг үетэй золголоо. 1921 оны Ардын хувьсгалын дараа хүн амд европ эмээр үйлчлэх анхны аптек нээгдсэнээр Монгол улсын эм хангамжийн салбарын эх суурь нь тавигджээ. Энэ цаг үеэс хойш ная гаруй жилийн хугацаанд хорин нэгдүгээр зуунд мянга гаруй эмийн сан, эм ханган нийлүүлэх хэдэн арван байгууллага, эмийн үйлдвэр бүхий Эрүүлийг хамгаалахын биеэ даасан томоохон салбарын нэг болов.
