Самуурайн гэр бүлд төрсөн Мишима Юкиогийн жинхэнэ нэр Кимитакэ Хираока. Тэрээр бүрэг ичимхий, дуу цөөтэй, даруу төлөв хүү байсан бөгөөд хожмоо кэндо, бялдаржуулах спорт болон каратэгээр хичээллэж мөн хоёр ч удаа дэлхийг тойрон аялсан зохиолч, драмын зохиолын мастер, яруу найрагч, нийтлэлч, шүүмжлэгч, найруулагч, жүжигчин, симфони оркестр удирдаач болсон билээ. Тэрээр олон арван богино өгүүллэг, нийтдээ гучин гурван жүжиг бичжээ. Романуудаас нь сэдэвлэн "Давлагаан дуун", "Хайрын цангаа", "Алтан асрын сүм"-ээс нь сэдэвлэн "Энжо" зэрэг хэд хэдэн кино бүтээгджээ. Мөн "Багт хүний наманчлал", "Хаврын цас", "Аагим халуун зуны дундах үхэл" богино өгүүллэгийн түүвэр, "Мөргөл" зэрэг олон зохиол бүтээл буй.