Луций Анней Сенека нь МЭ 4-65 онд амьдарч байсан эртний Ромын философич, төрийн зүтгэлтэн, жүжгийн зохиолч юм. Тэрбээр Испанид төрж, Ромд өсөж торнисон бөгөөд залуугаасаа эсээ, жүжгийн зохиол бичиж туурвих болжээ. 41 онд эзэн хаан Клодийн зарлигаар Корсика арал руу цөлөгдөж, 49 онд Нерогийн багш болсноор Ромд эргэж ирсэн. 62 он хүртэл эзэн хаан Нерод шадар зөвлөхөөр хүчин зүтгэж, 65 онд Нерогийн тушаалаар амиа хорложээ.