Хүүхдийн хүмүүжилд эерэгээр нөлөөлөх 5 ном
Хөөрхөн үрсийнхээ хүмүүжилд санаа зовнидог эцэг эхчүүдийн уншвал зохих номын жагсаалтыг ээжүүддээ танилцуулж байна.
1.Шимамүра Ханакоги- ‘’Магтах зэмлэх арга’’
Та хүүхдээ хэрхэн магтаж, хэрхэн зэмлэдэг вэ гэдгээ анзаарч, тэр талаар нухацтай бодож байсан уу? Эрдэмтдийн судалгаа, шинжилгээгээр батлагдсан хүүхэд хүмүүжүүлэх хамгийн сүүлийн үеийн боловсролын аргыг танд хүргэж байна.
2. Эми Чуа- “Бар ээж’’
Олон хүн үр хүүдүүдээ зөв сайн өсгөж хүмүүжүүлэн нийгэмдээ ач тустай шилдэг хүмүүс болгож байгаа хятад эцэг эхчүүдэд анхаарал хандуулах болов. Тэдний нууц нь юу болоод хүүхдүүд нь шинжлэх ухаан, хөгжим, урлаг, соёл гэх мэт олон төрөлд чадварлаг болж байгаа, гэр бүлийн орчин ямар болохыг мэдэхийг хүсдэг. Тэгвэл тэрхүү нууцуудыг эл номноос уншигч та сонирхоорой.
3. У Инь Ён-“Хүүхдэдээ юуг яаж хэлэх вэ?’’
Зуршил болсон арга барил тань хүүхэдтэйгээ харьцах, тэднийг хүмүүжүүлэхэд заримдаа бусад хүмүүстэй харьцахад хүртэл тийм сайн арга биш байдаг. Тэр аргаараа хүүхдээ хайрлаж байна гээд эсрэгээрээ сэтгэлийн шарх өгдөг тохиолдол олон. Рефлексээрээ хэлчихдэг зуршил болсон үгнээсээ нэг алхам ухраад үзээрэй үзээрэй. Нэг л маягаар яривал үр дүн нь байнга ижилхэн байхаас өөр аргагүй. Хараахан эвгүй санагдаад амнаасаа унагаж чадахгүй байгаа тэр үгийг хатуу чихэр хүлхэж байгаа мэт амандаа өнхрүүлээд үзээрэй.
4. Наранханд.Ц - ‘’Үрийг хүмүүжүүлэх судар’’
Дэлхийн бүх хүүхэд адил. Дэлхийн олон орноос Монгол түмний хүүхдээ хүмүүнжүүлэх ухаан юугаараа ялгаатай вэ? гэвэл хүмүний бие хөгжил, хүмүний бодис солилцооны улбаанд тохируулан мэдэрч сургах ухаандаа оршино. Хүмүний өсөн торних үед ямар шүүрэл, ямар булчин хөгжиж байгааг эцэг эх анзаарсан учраас тухайн дутагдаж байгаа орон зайгаар хөглөж, малчин ухаанаар хөгжүүлж иржээ. Эндээс улбаатай хүүхэд хүмүүнжүүлэх Монгол ухаан маань Монгол хэл, Монгол сэтгэхүй, Монгол зан заншилтай нягт уялдан хөгжсөнөөрөө бусад улс үндэстнээс ялгарах хүншүүлэх ухаан гарч ирж буй.
5. Анна Быкова -Бие даасан хүүхэд буюу хэрхэн 'Залхуу ээж' болох вэ?
Энэ бол өөрийгөө бодох тухай, зөвхөн эцэг эх байх төдийгөөр биеэ хязгаарлахаас яаж ангижрах , энэхүү үүрэг хариуцлагаас чөлөөлөгдөх бололцоог хэрхэн олох тухай өгүүлэх ном. Байнгын түгшүүрт бодлоос яаж салах, бүхнийг хараа хяналтдаа байлгах гэсэн төвөгтэй хүслээ яавал дарж чадах, хүүхдээ бие дааж амьдрахад өөрийгөө хэрхэн бэлдэх тухай та мэдэж аваарай.
