9-13 настай хүүхдэд зориулсан ном
Азхур номын их дэлгүүрээс " Дэлхийн номын өдөр"-ийг тохиолдуулан дараах номуудыг "Бяцхан уншигч"-даа зориулан 2020-04-23 өдрөөс 25-ны өдрийг дуустал 40 хувь хямдруулна.
1. Пэрси Жэксон ба Олимпийн бурхад - Аянгын хулгайч
Дэлхийн олон сая уншигчийг Эртний Грекийн гайхамшигт домог туульсын ертөнцөөр аялуулсан "Пэрси Жэксон Ба Олимпийн Бурхад " уран зөгнөлт цуврал юм. Пэрси Жэксон бол унших, суралцах чадвараар бусад хүүхдээс ялгаатай, чихрийн дэлгүүрийн худалдагч ээж, шар айраг, хөзөрт хамаг ухаанаа тавьсан хуншгүй хойд эцэгтэй, энгийн л нэг жаал. Бага балчир үеэсээ өөрөө ч ойлгохооргүй этгээд хачин үйл явдал, элдэв гажиг хүмүүстэй тааралддаг байлаа.
Үнэндээ тэр тэнгис далайг эзэмшигч, хүчирхэг Посэйдон бурхны хүү, хагас бурхан гэдгээ олж мэднэ. Хайрт ээжээсээ хагацаж, цор ганцаар болсон ч, өөртэйгөө ижил хүүхдүүдийн зуны зусланд ирснээр сурах, мэдэх, ойлгох ёстой зүйлсээ олж авна. Тэнгэр болоод далай тэнгис, газар доорх ертөнцийн хүчирхэг бурхдын хооронд бий болсон үл ойлголцлоос аймшигт сүйтгэл, гай гамшиг үүдэж болзошгүй болсон тэр үед Пэрси итгэлт сайн найз Грүвер хэмээгч сатир, ухаант Афины охин Аннабэт нарын хамт үхлээр төгсөж мэдэх урт аянд гарахаас аргагүйд хүрнэ.
2. Пэрси Жэксон - Мангасуудын далай
анд найз Грүвэр болон хагас бурхдын зуслан аюулд орсноор үйл явдал эхэлж, байгаль дэлхийг амилуулан ургуулагч шидэт алтан нэхийг олохоор Мангасуудын далайг зорьж, шинэ адал явдлын аянд гарна.
3. Пэрси Жэксон - Титанчуудын хараал
Зоригт хүү маань Ангийн охин тэнгэр Артимед болон Аннабетийг аврахаар найзуудын хамт аялалд гарах болно. Гэвч үүнээс ч илүү саад бэрхшээл нь, тэд 3000 жилд нэг л төрөх ховор төрлийн мангасыг олох ёстой байлаа. Тэр мангас маш хүчирхэг бөгөөд Олимпийг тэр чигт нь сүйрүүлэх чадалтай ажээ. Зоригт хүү болон түүний найзуудад юу тохиолдох бол?
4. Timeless - Диего ба Вастлантын хөлөг баатрууд
Диего бол 13 настай цовоо хүү, түүний эцэг Сантьяго Шинэ Чикаго хотын гэлтгүй гурван эриндээ алдартай аугаа зохион бүтээгч нэгэн. Ээж нь харин байлдааны онгоцны эрэлхэг нисгэгч.
Суут эцгийн сэргэлэн хүү төрсөн өдрөөрөө аавтайгаа хоёулаа өвөрмөц чадвартайгаа олж мэднэ.
Тэгтэл нэг өдөр Этернум бүлгийн хорон санаат этгээдүүд хүүгийн аавыг атгаг хүслийнхээ төлөө хулгайлж одно. Зоригт хүү найзуудын хамт эцгээ хорон санаатнуудын савраас аврахаар аюулд аялалд гарна. Замдаа Вастлантын хөлөг баатруудтай таарснаар тэд зөвхөн Диегогийн аавыг авраад зогсохгүй бүх дэлхийг аврах хүндхэн агаад хариуцлагатай үүрэг хүлээнэ.
5. Хэрсүү охины өдрийн тэмдэглэл I,II,III
“Хэрсүү охины өдрийн тэмдэглэл” ном нь өсвөр насныханд зориулсан цуврал юм. Зохиолын гол дүр 14 настай охин Никки Максвелл шинэ сургуульд шилжиж ирснээр зохиол эхэлдэг бөгөөд сургуульдаа дасан зохицох гэж, хөөрхөн од охидын эгнээнд орох гэж хичээнэ. Гэвч ар араасаа цуварсан азгүйтэл, бүтэлгүйтэл, гадуурхалтай нүүр тулдаг ч охин тэр бүхнийг хэрхэн даван туулж байгааг сонирхолтой, хөгжилтэй, инээдтэй, донжтой маягаар илэрхийлсэн зохиол юм. Номын бичвэр комикс маягаар бичигдсэн учраас үргэлжилсэн үгийн зохиолтой харьцуулахад хүүхэд уншихад хялбар, зурагтай учраас уйдахгүй, сонирхолтой. Өсвөр насны хүүхдийн хайр сэтгэл, нөхөрлөл, гадуурхал, өдөр тутам тохиолддог бэрхшээл зэрэг олон сэдвийг хөндөж бичсэн зохиол. Энэ нь аль ч орны өсвөр насныханд тулгардаг бөгөөд уг дүрээр дамжуулж аливаа асуудлыг даван туулах зориг, тэвчээр, өөрийгөө дайчлах зэрэг эерэг үлгэр дуурайл үзүүлэх зохиол юм.
6. Өдрийн тэмдэглэл /Хэрсүү охин/
Хэрсүү охины өдрийн тэмдэглэл номын уншигч нартай зориулан өөрийн өдөр тутмын адал явдлыг бичиж тэмдэглэх дэвтрийн хүргэж байна.
