Аавуудад зориулсан ном 40 хувь хямдарна.
Азхур номын их дэлгүүрээс " Дэлхийн номын өдөр"-ийг тохиолдуулан дараах номуудыг "ААВ"-ууддаа зориулан 2020-04-23 өдрөөс 25-ны өдрийг дуустал 40 хувь хямдруулна.
1. Шинжлэх ухааны товч түүх I, II
Билл Брайсон энэхүү номоороо дамжуулан "Яагаад?" гэдэг асуултанд сонирхолтой хариу өгөхөөс гадна шинжлэх ухааны нээлтүүдийн "хэн нь хэн" байсныг бүхий л насныханд тун сонирхолтой, хөгжилтэй хүүрнэн өгүүлжээ.
Бүр, тодруулвал одон орноос квант механик хүртэл байгалийн шинжлэх ухааны гол салбаруудыг хамарч, их тэсрэлтийн онолоос авахуулаад энгийн нүдэнд үл үзэгдэх эгэл бөөмсийн тухай өгүүлэхдээ шинжлэх ухааны гайхалтай баримтуудыг дэлгэн тавьж, басхүү алдарт эрдэмтдийн зан араншин, хувь хүний онцлог хийгээд томоохон нээлтүүдэд хүрсэн хөгтэй, хөгжилтэй түүхийг шигтгэн оруулсан тун чиг сонирхолтой бүтээл.
Брайсоны мундаг бүтээлүүдийн нэг “Бараг бүх юмны тухай шастир” буюу “Шинжлэх ухааны товч түүх”-ийг та бүхэн үнэгүй хүргээлэн авах боломжтой.
2. Шадар гурван цэрэг
Дюма уг зохиолдоо дундад зууны үеийн улс төрийн байдал, тэр үеийн амьдралыг нүдэнд харагдтал уран бодитойгоор дүрсэлсэн байдаг. Зохиолын гол дүр болох Д'Артанъян гэгч зальтай, овжин, эрч хүчээр дүүрэн Гаскон залуу Франц улсын шадар цэргийн албанд элсэн орж өөр шигээ хүч тэнхээ ид бяраар дүүрэн 3 найзтай болно. Ингээд л тэр 4-ийн адал явдал эхэлнэ. Тэдний замд хаан, хатан, хамба 3-ын зөрчил, үхэл хагацал, хайр сэтгэл, хууран мэхлэлт зэргийг хослуулан гаргаж өгсөнөөрөө онц сонирхолтой зохиол юм.
3. Пак Жөнхый
Эдүгээ бидний өмнө шинэ түүхийн үүр цайж байна. Энэ бол ядуурлын бус хөгжил цэцэглэлтийн түүх, бусдаас хараат бус бие дааж хөгжихийн түүх, хуваагдлын бус нэгдлийн түүх. Энэ бол үнэхээр сэргэн мандалтын гал бадран асч эхэлсэн түүх.
Хойч үе маань одоогийн бидний үеийнхнээс улс үндэстнийхээ төлөө юу хийв ээ гэж асуух юм бол "Эх орноо орчин цагийн улс болгохоор эцэж цуцахаа мэдэхгүй хөдөлмөрлөсөн" гэж бахархал дүүрэн хэлье.
Буурай хөгжилтэй орны хамгийн гол бодлого нь эдийн засгаа сэргээн босгоход орших учиртай. Бат бэх эдийн засгийн үржил шимтэй хөрсөнд л ардчилал үндэслэгддэг юм.
4. Оройгүй сүм
Чин сүжгийг эрхэмлэн оройгүй эрдэмд хүрсэн ч амьдралд хүний муу санаанаас үүдэх атаа, хорлолоос зайлж чадахгүй байх нь гачлантай.
Номыг уншиж дуусахад таныг ар араасаа хөврөх олон асуулт, бодролтой үлдээх болно...
Номонд дүрслэгдэх ахуйн болоод буддын шашны тухай гарах дүрслэл нь танин мэдэхүйн гайхалтай өргөн цар хүрээтэй.
5. Монте Кристон гүн I, II, III
Энэхүү бүтээлийн гол дүр нь Эдмон Дантес хэмээх залуу юм. Нас залуу хэдий ч түүнд онгоцны ахмад болох хувь тохиож, үзэсгэлэнтэй сайхан охинтой гэрлэхээр болж, хувь заяа түүнд инээмсэглэж буйгаар зохиол эхэлнэ. Харамсалтай нь зарим нэгэн овилгогүй, атаач хүмүүсийн балгаар амьдрал нь орвонгоороо эргэж, харанхуй шоронд арван дөрвөн жилийг өнгөрөөжээ. Тэнд асарч тэтгэж байсан өвгөн лам Фариагийн ачаар тэрээр их хамба Спадагийн нуугдмал эрдэнэсийг эзэмших эрхтэй болж, санаанд оромгүй тохиолдлоор шоронгоос оргосныхоо дараа асар их баялгийн эзэн болно.
