Тэнгэрийн улаач

ISBN: 978-99973-3-153-3
Хавтас: Зөөлөн
Хэвлэгдсэн он: 2015
Хуудас: 396
Хэмжээ: 205*145мм
Жин: 411
Үлдэгдэл: Үлдэгдэлтэй байна

5.0

Үндсэн үнэ: 30,000 ₮
Хямдарсан үнэ: 0 ₮
Төлөх үнэ: 30,000 ₮

Чимгээ гэртээ зурагт үзэн суух боловч тухайлан юу ч олйгохгүй хий л ширтэж байлаа. Зурагтаар солонгосын олон ангит уран сайхны кино гарах боловч дууг нь ч, үйл явдлыг нь ч анзаарсангүй. Түүнд бөөгийн хэлсэн "Ирээдүй чинь тун богино настай юм байна даа" гэсэн үг толгойд нь эргэлдээд байв. Урьд нь ийм зүйл сонссон бол дооглон инээчихээд л огт тоохгүй явах байлаа. Гэтэл бөөгийн хэлсэн бусад зүйл амьдралынх нь тухай үнэнийг хэлсэн тул итгэхгүй байхын аргагүй. Чимгээ ээжийнхээ зураг руу гунигтай ширтэв. Сүүлийн үед түүнд амьдрах ямар ч сонирхол төрөхөө больжээ. Амьдралын утга учир нь яг юу юм бэ гэж үргэлж бодох болж. Бусад хүмүүс амьдралын зорилготой байж түүндээ тэмүүлэн амьдардаг бол Чимгээд тийм зүйл алга. Хотын А зэрэглэлд тансаг байранд амьдарч байна. Үнэтэй машин, хувцас гээд бусад хүүхнүүдийн хүсдэг бүхэн түүнд бий. Гэхдээ бөөгийн хэлсэн "Эд хөрөнгөөр элбэг ч гэрт чинь жаргал алга. Мөнгө цаасаар дутдаггүй ч ханийн хайраар дутдаг юм байна. Гаднаа инээвч дотроо уйлдгийг чинь би харж байна. Нөхөр чинь нэр шигээ чамайг гийгүүлдэггүй юм байна даа" гэсэн үг хичнээн үнэн болохыг мэдэрч байлаа. Яаж тэгж харсан юм шиг хэлж чадаж байнаа. Амьдралд хоргодох ганц л шалтгаан Чимгээд бий. Тэр бол хүүхэд. Үр хүүхэдтэй болж тэднийгээ өсгөж хүмүүжүүлэн "ээж ээ" гэж дуудуулах сэтгэлийн жаргалыг л маш их үгүйлж байна. Чимгээ одоо 29 настай. Түүний хувьд бүх л амьдрал нь өмнө нь байгаа мэт боловч үе үе төрөх гуниг, бөөгийн хэлсэн үг нийлээд түүнийг айлгаж бас гуниглуулжээ. Чи удахгүй үхнэ гэдгийг сонссон хэнд ч таатай байхгүй нь мэдээж шүү дээ...