Нэг жил
Эрхлэн гаргасан: Арвай бархан ХХК
- ISBN: 978-99962-2-503-1
- Хавтас: Зөөлөн
- Хэвлэгдсэн он: 2018
- Хуудас: 304
- Хэмжээ:
- Үлдэгдэл: Дууссан
Монголын баг тамирчдын дунд Бадрал ирэх үгүйг нь мэдэхгүй байсан ч Ли багш дотроо бол битүүхэн хүлээж байлаа. Өөрийн биеэр нутгийн өмнөд хэсэгт зохиогдож байгаа Азийн аваргын уралдаанд очиж чадахгүй ч эхний өдрөөс л телевизийн сувгаа тааруулан хүлээнэ. Нэлээд хэдэн орноос залуу дугуйчид, тэр дундаа Монголын тамирчид ирсэн гэснээс Бадралын нэрийг бол хэлсэнгүй. Уралдааныг шууд дамжуулах уичр энэ өдөр багш хаашаа ч гарахгүйгээр шийджээ. Телевизийн дуранд эрээн мяраан хувцастай олон тамирчин дунд явж өнгөрөхөд эмгэний авчирсан халуун цайг хүртэл анзаарч авах сэхээ байсангүй.
Үе үе дэлгэц солигдон орон орноор нь зарлахад гэнэт Бадралыг олж харав. Наранд борлосныг эс тооцвол гадаад төрхөөрөө бол огтхон ч өөрчлөгдөөгүй Бадрал сэтгэлдээ ихийг тээж ирсэн хүчтэй өрсөлдөгч болжээ. Улсынхаа нэрийн өмнөөс олон орны дугайчид дунд зогсож байгаа шавиа харсан Ли багш түүнийг алдчихвий гэсэн шиг дэлгэцэндээ улам ойртон бараг тулаад суучхав.
Бүтэн хоёр цагийн турш хэнтэй ч юу ч ярьсангүй, зөвхөн зурагт ширтсээр төгсгөлд нь учиргүй чанга хөхөрч хөгшнөө дуудлаа.
