Бороотой зуны нүүдэл
Эрхлэн гаргасан: Соёмбо пресс ХХК
- ISBN: 978-99973-3-500-5
- Хавтас: Хатуу
- Хэвлэгдсэн он: 2016
- Хуудас: 339
- Хэмжээ: 210*150мм
- Жин: 465
- Үлдэгдэл: Дууссан
МУ-ын Соёлын Гавьяат Зүтгэлтэн, Д.Нацагдоржийн нэрэмжит шагналт зохиолч С.Пүрэвийн энэхүү номонд "Бороотой зуны нүүдэл" номонд Бөх Бэлгүйтэй, Тэнгэрийн хаяанд хоёулаа, Хайду хааны танхил буюу Хотолон, Шандугийн шар тууж, Аргагүй амраг, Бороотой зуны нүүдэл, Бүсгүй хөрөг зэрэг туужууд багтсан.
Тэнгэрийн хаяанд хоёулаа
Тэнгэрийн хаяанаа шурган омогт долгисоор эргээ алгадаж харагдах бараа алдарсан Каспин далайн зүгээс хээр талдаа дураар сэлгүүцэгч исгэлэн сэвшээ сэвэлзэнэ. Хэдэн мянганаар амьд бүхний амьсгал багтрам хэрэн шогшсон омогт салхи аядууг бодоход тэнгэр хэсэгтээ тогтуун байх бололтой.
Их тэнгисийн энэхэн хөвөөнөө хуяг дуулгаа өмсөж, зэр зэвсгээ бүрэн агссан хэдэн арван мянган дайчин эрчүүл өмнө нь ийм их ус хараагүй ажээ. Энэ цэрэг эрс газрын хол усны уртыг амь тэмцэн туулсан гэвч тэнгэрийн хаяанаа ус, газар, тэнгэр гурав золголдохыг харах сонин байв.
Үдшийн буурал нарны доор мэлтэлзэх нүдэн баримжаа бүдчимхөлгүй тэнгисийн мандал дээгүүр ганц золбин завь бүү хэл уул хангай боловч бараа сураг алдрам ажгуу.
Хаяа хөвөөгүй тэнгис шингэх нарны туяанд тэнгэр газрыг алдлан, ганц нэгхэн хурган үүлс цэлийх мандал дээр бөртийн сүүдэртэнэ.
Түүнээс бусдаар эндхийн тэнгэрийн харагдаар өнгө цэлмэг, сул салхи нь ядуу хийгээд идэш хоолоо эрэн хөнгөн далавчаараа ус алгадаж эргэлдэх цахлай хүртэл сэтгэл амсхийм харагдамуй
