61 Ах
Эрхлэн гаргасан: Цалиг хэвлэлийн газар
- ISBN: 978-99962-802-0-7
- Хавтас: Зөөлөн
- Хэвлэгдсэн он: 2010
- Хуудас: 301
- Хэмжээ: 130х193 мм
- Жин: 350
- Үлдэгдэл: Дууссан
Дотоод сэтгэлийн минь гэгээн анир таны гарт бодлын зурвас татуулан хуудас хуудсаар эргэнэм...
-Би сэрүүлэгнийхээ дуунаас босож кофе чанагч руугаа очлоо. Кофе дөнгөж болсныг илтгэж жижигхэн ногоон гэрэл ёлтойн асна. "Амар эд шүү бас" гэж бодлоо. Энэ чанагч, хэрэгтэй цагаа сануулаад орчихоор тэр цагт нь буцалгачихсан байдаг болохоор тэгж олзуурхсан хэрэг л дээ. За тэгээд над шиг эхнэр хүүхдээсээ хол байгаа хүнд бол бүр аятайхан. Кофегоо аягандаа хийхэд халуун уур хамар цоргиж, өрөөгөөр нэг тархан тааламжтай санагдана. Яагаад би энэ харь нутгийн ундаанд ингэтлээ татагдах болсноо өөрөө ч мэддэгүй. Анх нэг их тоодоггүй байж. Тоохгүй ч юу байхав дээ амт нь ч гэсэн олигтой эд биш шиг санагдаад сүүтэй цай, хярмаа л их үгүйлдэгсэн. Одоо тэгсэн чинь өглөөд ямар ч байсан тогтмол уудаг болчихож. Тэгэхдээ бүр сүү ч үгүй, чихэр ч үгүй шүү. Аяганыхаа сэнжнээс хоёр хуруугаараа гогдоод ганц нэг оочлон цонхон дээрээ очлоо. Нэр аль хэдийнээ манджээ.
-Юу билээ! Өө тийм л дээ. Өнөөдөр миний амардаг өдөр тул би сэрүүлгээ ч, кофе чанагчаа ч нэг цагийн хойно тавьсан хэрэг.
Тэгэхээр нар мандсан байлгүй яахав
