Хотжилт роман
- ISBN: 978-99978-4-037-0
- Хавтас: Зөөлөн
- Хэвлэгдсэн он: 2017
- Хуудас: 284
- Хэмжээ: 205*145мм
- Жин: 310
- Үлдэгдэл: Дууссан
#Хотжилт роман нэгдүгээр бүлэг
Нэгдүгээр хэсэг
Эцгийн холчийг эх ойртуулж
Эхийн элбэрлээр хүү хүмүүжнэ
Мянгат нь биш ч малчин айлын ганц хүү Жамбалдоржийн Содномдорж аавын дэргэдээс холдож үзсэн ч аймгийн төвөөс хэтэрч шалиагүй дунд сургуулийн есдүгээр ангийг дундын дүнтэйгээр дүүргэж арван найман насыг амталсан даруйдаа цэрэг эрийн албыг нэр төртэйгөөр нэгхэн жил хаан нэг сонгуульт жилээс дараагийн сонгуулийн жил хүртэл хөдөө айлын хөрөнгөний эзэн сууж өдөр хоног, сар жилүүдийг жаргалтайгаар жавхалзаж эх нь зандарвал залхуурч эцэг нь найрлавал найрамдаж найзуудтайгаа нийлэн наадаж өнгөрүүлнэ.
Мал сүргийн тоо толгойг эрс нэмэгдүүлж эцэж цуцахааргүй их тарга тэвээрэг авхуулж сурч арилжаа наймаа, хадлан тэжээл, отор нүүдэл гэдгийг насандаа багтамгүй сайн хийж эцэг эхээ мянгат малчин болгох нь нэлээн дөхөж бас болоогүй сум нэгдлээс сайшаагдан шагнагдах болсон үе.
Буурай аав болон эцгийн эрдмийг өөртөө өвлөн авч энэ жилийнхээ сумын наадамдаа гурван айраг түрүү авчихсан бөхийн барилдаандаа гурав даваад тугаа тойрчихсон ёстой л нөгөө наадамд гурван даваатай найранд гурван дугараатай Өврийн хангайн ханагар сайхан эр.
Зуны адаг сар хэдийнээ гарч баяр наадмын улирал эцэслэж хурим найрын сар эхэлж буйг сануулан хол ойроор хөл хөдөлгөөн хөөр баяр ихтэй машин мотоциклын моторын дуу хангайн уудам бэлчир Халуун усны голын эх, Хаахайн баруун энгэрээр хадаж хойш урагш тоост зам татуулан давхилдана харин тэдний хот айлаар нам гүм налайн байв.
Намар өдрийн наран магнай дээр хэлбийх үед Содномын таньж мэддэггүй хот газрын хэдэн хүн урьж залуулалгүй угтаж тосуулалгүй гэнэт тамир нь тасарсан хөгшин хар банхрыг нь хуцуулсаар айх эмээх ч зүйлгүй орж ирэв. Тэр хүн бол аавынх нь унаган багын найз Батнасан..................................................
Содномдоржийн хотын амьдралын үргэлжлэлтийг Хотжилт романаасаа уншиж сонирхоорой.
