Могой гүнж
Эрхлэн гаргасан: Болор судар хэвлэлийн газар
- ISBN: 978-99962-7-387-2
- Хавтас: Зөөлөн
- Хэвлэгдсэн он: 2018
- Хуудас: 456
- Хэмжээ: 148*210мм
- Үлдэгдэл: Дууссан
Халхын Түшээт Хан аймгийн Эрдэнэ дайчин вангийн хошууны тамгын газрын өргөөнд нэгэн чухал, нууц зөвөлгөөн болж байв. Энэ жилд булган хангай нутагт хур усан цагтаа бууж, үр жимс, төл төмс идээ сайн авч боловсорч гүйцсэн болохоор дэлхий дэлэгнэж, малын зоо оноо татаж хүмүүний сэтгэл дэлгэрч байлаа. Эр хар сахиустай Баян-Өндөр хайрхан хоймор эзлэн ханхайна. Эм цагаан сахиустай Эрдэнэт уул өмнөө налайна. Эргэн тойронд Баянцагаан, Бөхөнгийн нуруу, Хутагт өндөр, Бүрэн бүстэйн уулс, Их, Бага Цалуу хайрханууд хүрээлнэ. Чингэлийн голын эхэнд байх тахилгат толгойн сэргэлэн дэнжид хошууны тамгын газар байрлана. Эндээс саахалтын дайтай Манжийн хааны баруун гарын дээд түшмэл, бараа бологсод, торгон цэргийн баг бүрэлдэхүүнтэй буудаллаж дөрвөн талдаа жадтай буу агссан харуул зогсоон сүр бадруулна. Эгэл хүмүүст бол айж сүрдмээр, учир мэдэх нэгэнд бол эгдүү хүрмээр бас инээдэмтэй санагдана.
