Хайрыг ухаарахуй
Эрхлэн гаргасан: Соёмбо пресс ХХК
- ISBN: 978-99978-0-473-0
- Хавтас: Зөөлөн
- Хэвлэгдсэн он: 2017
- Хуудас: 198
- Хэмжээ: 200*140мм
- Жин: 255
- Үлдэгдэл: Дууссан
Их сургуулийн гудамжаар гучин жил алхлаа. Эцсэнгүй. Эргэж хармаар. эвийлж хайрламаар энэ олон сайхан хүмүүсийн зарим нь эргэж буцсаар... үлдсэн зарим нь өвгөрч хөгширсөөр... Тэгэвч энэ цардмал зам, олон хөлийн газар нэгэн хором ч амсхийсэнгүй. Буцах шувуудын ганганаанд гуниг тээсэн намрын шар навчис хөл доор хөглөрөх цагаар явсан одсоноо нөхөх мэт өчнөөн олон шинэ шинэ хүмүүс, зүс үзсэн үзээгүй мянга мянган залуусын хөл хөдөлгөөн дахиад л энэ гудамжийг чимэглэнэ.
Тэдэн дунд мөнөөх л дараах онд ч юм уу, түүний дараахан ч юм уу энэ шуугиант гудамж, олны хөлд талхигдаж өнгөө алдсан цардмал замаа орхин одох буурал профессор, их эрдэмтдийн алхаа удааширсан яваа нь харагдана.
Зам харгуй хүнийг тосож, бас хүнийг үдээд, өөрөө үүрд мөнх зурайсаар л байдаг даа... Амьдралын энэ их урсгал дунд гучин жил алхлаа. Гуньсангүй
Ихэмсэг тэргүүнээ дээш өргөн, ирээдүй хийгээд өнөөрийн үнэн худал, байгалийн шавхагдашгүй хувьсгал шалгарал, эрхэс оддын үл тасрах хөдөлгөөн, эсвэл унаж тусаж, эргэж хургасан хүний нийгмийн ороо бусгаа явдлыг эрэгцүүлэн, энэ л гудамжны эзэн мэт алхах хүмүүсийн хараа цаанаа нэг талбиун. Бас гундаахгүй.
