Сарнайгийн бага нас
- ISBN: 978-99978-0-152-4
- Хавтас: Зөөлөн
- Хэвлэгдсэн он: 2018
- Хуудас: 179
- Хэмжээ: 205*145мм
- Жин: 225
- Үлдэгдэл: Дууссан
Энэхүү номын зохиогч миний бие Өмнийн цэнхэр говийн Булган гэх буйдхан суманд төрж, бага насаа өнгөрөөсөн юм. Номондоо Сарнай охины 1970-1980-аад оны үеий амьдралын үнэн бодит бөгөөд хөгтэй, хөгжилтэй үйл явдлуудаас өгүүлсэн билээ. Тэр үед ийм нэртэй хүүхэд ховор байсан боловч яагаад ийм нэртэй болсон учрыг мэдэхгүй юм даа. Бүх үйл явдлыг утга төгөлдөр, уран яруу болгох гэж уянгын халил хийгээгүй яг бодит байдлаар нь өгүүлсэн учраас нэрсийг нь ч бас тэр хэвээр нь үлдээлээ.
Манай эмээ ээж өндөр томоо биетэй, цайвар цагаан царайтай, миний мэдэх л үсээ толийтол хусуулчихсан шалдан толгойгоо нимгэн ганган алчуураар боодог, тухайн үед ховор байдаг гоё торгон дээл өмсдөг 80 гаруй насны хүн. Намайг хөтлөөд л том жижиг хоёр явж байдаг. Одоо тэр үеийг бодохоор,
<Дэгдээхэйгээ дагуулсан дэнжийн цэнхэр тогоруу шиг
Дэндүү хайраар хайрлан дэгж дэрвээд өсгөхдөө
Нар болсон хайраараа намайгаа гийгүүлсэн
Наслан жаргахын буянтай настан буурал эмээ минь>
гэдэг дууны үг санаанд ороод байдаг юм.
