Зоосон нүдэт
Эрхлэн гаргасан: Сэлэнгэ пресс
- ISBN:
- Хавтас: Зөөлөн
- Хэвлэгдсэн он: 2014
- Хуудас: 216
- Хэмжээ: 205*145мм
- Жин: 240
- Үлдэгдэл: Дууссан
Эксель машин явсаар Самбалхүндэвийн энгэр дэхь нэгэн судгийн энгэрт ирж зогслоо. Машины жолооч өөрийнхөө араас даган явах машиныг зам салах үест "Золиг гэж. Дагаад байгаа юм байх гэж хичнээн их айв аа" гэж амандаа бувтнасаар машинаасаа бууж, эсрэг талынхаа арын хаалгыг татан онгойлгож "Буу, муу янхан минь. Үнэгүй юм гэж хаа байсан юм. Та нар шиг ах зах, аль байдгаа алдсан муусайн юмнууд л үнэгүй байдаг байх гэсээр Манханыг машинаасаа чирсээр буулгана". Ах аа, та намайг битгий орхи л доо. Би танд өөрт байгаа бүхнээ өгье. Намайг л энд бүү орхиоч гэж Манхан наминчлан гуйхдаа цэнгээний газар уусан жаахан сархад нь аль эрт гарч, цоо эрүүл болсон байлаа. Ах аа миний буруу хэмээн хэдэнтээ гуйсан ч ихэд уурлаж бухимдсан жолооч "Битгий тэнэгт чи. Аль түрүүн санахгүй яасан юм бэ чи. Ахдаа битгий гомдоорой. Аз чинь байвал маргааш өглөөний мандах нарыг үзнэ биз. Хоншоор чинь дутвал хохь чинь. Өнөө шөнө энэ нутгийн сүнснүүдтэй нөхцөж хоноорой. Ах нь үйлчилгээний хөлс болгож гар утсыг чинь авлаа." гэсээр Манханыг судгийн ирмэг рүү түлхэж орхиод араас нь цүнхийг нь шидчихээд машинаа асаагаад яаравчлан хөдөллөө.
