Хүйлэн огторгуйн заадас
Эрхлэн гаргасан: Адмон принт ХХК
- ISBN: 978-99978-2-749-4
- Хавтас: Зөөлөн
- Хэвлэгдсэн он: 2018
- Хуудас: 530
- Хэмжээ: 200*140мм
- Жин: 480
- Үлдэгдэл: Үлдэгдэлтэй байна
Зохиолч Б.Шүүдэрцэцэгийн бичсэн Эх дагина Ц.Дондогдуламын тухай “Хүйлэн огторгуйн заадас буюу Эх дагины өчил” роман хэвлэгдлээ. Зохиолч Эх дагинын бага наснаас эхлэн амьдралаа хүүрнэж байгаатай зэрэгцэн, наймдугаар Богд хутагтыг дөрвөн насандаа Монголд хөл тавьсан цагаас эхлэн Үндэсний эрх чөлөөний хөдөлгөөн хүртэлх Манж Чин улс болон хөрш Оросын түүхтэй холбон бодит баримтыг уран сайхантай сүлэлдүүлэн бичжээ.
Аргын тооллын нэг мянга ёсөн зуун хорин гуравдугаар он. Өвлийн дунд сарын шинийн хоёрон. Монголын хэмжээт эрхт хаан наймдугаар Богд Жибзундамбын Ногоон ордны өвлийн байшингийн хоёрдугаар давхар дахь Эх дагины нойрсох тасалгаа.
Шаравпэлжээлэн ордны хэрмэн хашааны гадаахь чимээнээр би сэрчихлээ. Гэгээнтэн гаднаас морилон ирж буй нь тэр амой. Богд гэгээнтнийг Ногоон ордноосоо гарч залрах, буцан морилох бүрд дуугардаг хэнгэргийн чимээнд сэрэнгүүт оюун бодол минь хүйлэн хөх огторгуйн чинад, гучин гурван хорвоогийн хүрдэн дундаас хөрст газарт эргэн ирэх мэт болж, элдвийг эргэцүүлэн бодох зуур орны дэргэдэх эрээн үхэг дээрээс хаш эрхиэ авч Ногоон Дарь эхийн магтаал хөгжөөв.
Ом бода лаяэ начогна
Дамег жанхү лайтүншин...
