Сүүлчийн буун дуу /хатуу хавтастай/
Эрхлэн гаргасан: Нэпко хэвлэлийн газар
- ISBN: 978-99962-4-468-1
- Хавтас: Хатуу
- Хэвлэгдсэн он: 2016
- Хуудас: 474
- Хэмжээ: 228*154мм
- Жин: 660
- Үлдэгдэл: Дууссан
Арван тавдугаар жарны шаргачин хонин жилийн намар гэнэт хүйтэрч хэдэн өдөр дараалан тэнгэр муухайрч хүйтэн бороо шивэрч байснаа нэг өглөө босоход уул тал дун цагаан цасанд дарагдаж, голын хөндийгөөс жихүүн хайруу салхи хөвсөлзөн хөөрөгдөж байлаа. Ногооны униарт умбаж байсан уулын мод яах ийхийн зуур шаргалтан гандаж навч намиагаа сэгсрэн гүвж, газрын өнгө дорхноо л хувиран цайрчээ. Анхны цас хоёр гурав хоноод хайлж үгүй болсон ч гэсэн уулын оройд хэсэг хэсгээр цайран үлдэж, нүд гялбуулан гялтганах нь хахир өвлийг аргагүй санагдуулна. Цас бороо холилдон орж, тэнгэр хямарснаас хойш олигтой дулаарсангүй, хоног хоногоор сэрүүн болж өвөл хаяанд буусан нь налгар намартаа налайж айвуу тайвуу суусан хүмүүсийг зэгсэн сандаргав. Уулын түргэн урсгалт гол горхи цэнгэг усаа хөлдөхөөс нь өмнө холын холд аваачих гэсэн юм шиг харгилан жирэлзэвч захаасаа мөхөөлтөн зайрмагтаж, шөнө өнгөрөх бүр мөсөн хамжаар нь өргөн болсоор ажээ.
О тогтохбаяр2024-08-17
Дахин хэвлээч эрэлт их байна