Шидтэнүүдийн сургууль

ISBN: 978-99978-957-5-2
Хавтас: Зөөлөн
Хэвлэгдсэн он: 2018
Хуудас: 312
Хэмжээ: 205*140мм
Жин: 315
Үлдэгдэл: Дууссан

2.5

Үндсэн үнэ: 29,900 ₮
Хямдарсан үнэ: 0 ₮
Төлөх үнэ: 29,900 ₮

Гэрэлт Амин охин гудамжаар уйтгарлан алхана. Яагаад ч юм бэ түүнд хичээл ном хийх нь уйтгартай санагдаж, сав л хийвэл элдвийн ид шидийн зүйл сонирхон хичээлээ таслан дэмий тэнэдэг болов. Хэрвээ ингэж гадуур тэнээд явааг нь аав ээж хоёр нь мэдвэл сэтгэл нь гонсойх л байх. Гэвч түүнд энэ амьдрал нь утгагүй санагдаад хаашаа ч юм бэ нисээд явчихмаар санагдах учир өөртэйгөө адилхан бодолтой хэн нэгнийг хайн ийнхүү бэдэрч яваа ч байж магадгүй.
Тэрээр урдаас нь юм ярин ирж яваа хэсэг хүүхдүүдийг ажин, бас л энгийн сургуулийн хүүхдүүд биз дээ. Тэдэнд яагаад тийм их ярих юм байдаг юм болоо. Бие биенийхээ амруу дэнгийн эрвээхэй шиг л орчих шахах юм гэж бодон суулаа.
Бас нэг хүүхэд чихэвчний хөгжим сонсон хажуугаар нь өнгөрөхөд "Энэ бол орчлонгоос тасарч өөрийнхөө ертөнцөд байх гэсэн оролдлогын нэг хэлбэр" гэж өөртөө хэлээд цүнхээ үүрэн дуртай дургүй босон алхлаа.
Түүнийг гэртээ ирэхэд ээж нь хоол хийчихсэн урьдын янзаараа инээмсэглэн угтан авлаа. Ээж нь охиноо ойрд дуугаа хураан явах болсныг анзаарсан ч юу тохиолдсоныг нь асуусангүй. Ээж бүр л үр хүүхдээ гаднаас нь хараад нэг л юм нь болохгүй байгааг нь мэддэг шүү дээ.
-Охин минь гараа угаагаад хоолоо ид. Өнөөдөр чамайг яагаад оройтов гэж асуухгүй ээ. Зүгээр л ширээнийхээ ард суугаад хоолоо ид гэж ээж нь уриалагхан хэлээд тогооныхоо тагийг авахад амттай үнэр хамар сэнхийв. Гэрийнхэн нь бүгд л түүнийг Амина гэж дуудна.