Сэтгэлийн холбоос
Хүний түүхийн харанхуй бүдүүлэг үе ард хоцорч, хөгжил дэвшлийн оргил үедээ орсон энэ цаг дор хүн бид ёс сурахууныг бүрэн тайлж, үнэлэмж мөн чанарыг нь тодорхойлох цаг болжээ.
Миний ээж хагас өнчин зургаан хүүхдийг өсгөж хүмүүжүүлж, амьдралд хүргэсэн. Ганц хүний цалингаар болгох гэж яаж зовсныг нь би асуух дургүй, харин бид хүн шиг ном эрдэмтэй, хүмүүжилтэй болж өссөн нь өөрөө тухайн асуултын хариулт болдог. Ээж минь биднийг эрдэмтэй хүн бол гэж сургадаг, тэгээд өөрөөсөө шалтгаалах бүхнийг бэлдсэний нэг нь номын сан байсан. Бага ах бид хоёр сүүлд угалз гарган эрээлсэн шилэн цонхтой, наамал банзан хавтас бүхий дэлгэгддэг хаалгатай авсаархан манай номын санд уран зохиолын олон ном байсан даа. Цаг үеэ зөв ойлголосн эх, амьдралыг олон талаас нь харж, үр хүүхдээ өөрийн үлгэр дууриалаар хүмүүжүүлдэг. Зургаан хүүхэд захирах тушаах өнгө аястай үгийн доор биш% ээжийн зөөлөн үгсийн таавар хөдөлж, зүрх сэтгэлээ чагнаж өсжээ. Ээж өөрөө ном уншдаггүй байсан, тийм ч зав байсангүй, харин биднийг өлсөж байхад, яагаад номд мөнгө өгч байсны учир нь ердөө л ирээдүйд биднийг бүү өлсөөсэй гэсэн зүрх сэтгэлийнх нь тэмүүлэл байсан юм. Бид ээжтэйгээ сэтгэл зүрхний гүн холбоосонд оршдог.
Хүний сэтгэл зүрхнээс хайр ундардаг. Чухамхүү энэ хайраас сэтгэл зүрхний холбоос үүсэж, хүн төрөлхтөн нэг хүн шиг урагш тэмүүлнэ. Харамсалтай нь сүүлийн үед техникийн хөгжил дагаж, хүний сэтгэл зүрх мөстөж байна. Хүн хоорондын сэтгэл зүрхний холбоос алдагдаж байгаагийн том илрэл бол ёс суртахууны доройтол.
                                   *                                                                *                                                             *
Олон мянган сайхан хүмүүс бидний өнөөдрийн хангалуун амьдрал, тусгаар улсын төлөө амь биеэ зориулсан. Тэдний асгаруулсан цус, урсгасан хөлсний үнэ цэнийг ухаарч, ухамсарлахыг түүх биднээс цаг ямагт шаарддаг ба үүнийг ухамсарлаж байгаа иргэний хичээл зүтгэлд энэ нийгмийн эрх ашиг, үнэ цэнэ оршдог юм.   /О. Ганбаатар/