Харийн тэнгэр
- ISBN: 978-99192-0-187-6
- Хавтас: Зөөлөн
- Хэвлэгдсэн он: 2020
- Хуудас: 250
- Хэмжээ: 207*143мм
- Жин: 295
- Үлдэгдэл: Дууссан
ХАРИЙН ТЭНГЭР романы өмнөх үг
Дэлхийн түүхийг бичсэн агуу дээдэстэй ард түмэн билээ бид. Өнгөрсөн түүхийг өөрчилж үл чадна, харин дурсан ярьж, хойч үедээ үлдээх нь бидний үүрэг юм. Соёлт хүн төрөлхтөнийг байлдан дагуулж, тэдэнд засгийн сүр хүчийг үзүүлж, амар амгаланг тогтоож байсан арвангуравдугаар зууны сүүл үеийн тухай “ХАЙДУ ХААН”, “ИШҮҮЖИН”, “АРГАСУУ БААТАР” хэмээх гурван роман туурвисан билээ. Одоо мөн тэр үеийн тухай “ХАРИЙН ТЭНГЭР” гэж нэрлэсэн энэхүү романаа уншигч та бүхэндээ өргөн барьж байна.
Шашны хатуу дэг жаягтай исламын ертөнцөд Хүлэгү хааны үүсгэн төвхнүүлсэн Ил хаант улсад төрийн түшмэл Рашид Ад Дин хэмээх еврей гаралтай, исламын шашинт эрдэмтэн, Юань гүрнээс Тебризэд очиж суурьшсан Болод /Болд/ чинсан хэмээх монгол хүн хамтарч бидний үед уламжлагдан ирсэн СУДРЫН ЧУУЛГАН гэдэг их судрыг бүтээжээ. “Судрын чуулган”-ыг бүтээхэд Хархорум хотоос арван тэмээ судар болон түүнийг дуудах сударч, зураачдыг Ил хаант улсын нийслэл Тебриз хотноо залж авчирсан гэдэг. /Академич О.Нямдаваа. Болд чинсан ном/
Гэвч Судрын чуулганд орсон их хаадын зураг хэмээн бидэнд мэдэгдэж буй зургууд нь монгол хүний зурсан зураг биш байдаг. Тэгж бодохын учир нь монгол хүн хэзээ ч их хаадаа исламын шашны өмсгөлтэй зурахгүй юм. Тэдгээр монгол зураачид хүн амьтан дүрслэн зурахыг чандлан хориглодог исламын ертөнцөд очоод ямар хувь тавилан туулсан бол гэсэн сониуч бодлын үзүүр энэхүү романыг бичихэд хүргэсэн билээ. Эрхэм уншигчид минь таалан болгооно уу.
