Амьдралынхаа нэгээхэн хэсэгт гацаж түүртсэн залуу аялалд гарахаар шийднэ. Түүний аялал зүгээр ч нэг аялал байсангүй. Аяллаа зуун жилийн өмнө Европт суралцаж байсан зохиолч Дашдоржийн Нацагдоржийн дурсамжаар замчлуулжээ. Тэрээр өөрийн дурсамжуудыг нэхэн санаж, өнгөрсөн амьдрал дахь болон өнөөдрийн өөртэйгөө чин үнэнчээр нүүр тулахаар хичээх ч хувь дурсамжууд нь нэгдэн томорсоор улс орны хүндхэн дурдатгал руу хөтлөх ажээ.
Сэтгүүл зүй, уран зохиолын бичлэгийн төрлийг хослуулан бичсэн “Дурсамжийн газрын зураг” зүймэл роман нь хувь оршихуй болон нийгмийн огтлолцол, хагарал, амьдралын эрчим, хүсэл тэмүүлэл, хайр, хавчлага, хэлмэгдүүлэлт гэсэн амьдралын олон талын мэдрэмж, эргэцүүллийг шингээжээ